Слово патриарха

 

 

 

Обращение митрополита Ювеналия Подробнее >>

 

 

Фильм о Святом Вмч Георгие Победоносце

Православие и Мир

Пушкинское благочиние

 

 

 

 

 

 

 

 

Вы здесь

Главная

Молитвы

Новое показа зло лукавый оный сатаны служитель Диоклитиан, егда в безумной своей ко идолом ревности, повеле напоити тя, Георгие, ядом: ты же исполнен сый веры и упования, аще и смертное испил, обаче без вреда пребыл еси, богохвальне, темже и мы вопием ти:Радуйся, яко в уповании на Бога жива не посрамился еси;радуйся, яко мучителя ни во чтоже вменил еси.Радуйся, бесов отгнателю;
Странный и страшный совет бысть от некоего волхва нечестивому царю, да повелит ти, в доказательство правости веры Христовой, словом воскресити мертваго: ты же, Георгие, ничтоже сумняся, воспевал еси Тому, Иже несть Бог мертвых, но Бог живых: Аллилуиа.
Всежеланный и Сладчайший Иисус, Егоже ты всею душею и всем сердцем возлюбил еси, всеблаженне Георгие, слыша теплое веры твоея моление, вскоре повеле по слову твоему воскреснут мертвому, прославления ради имени Своего, и верных утверждения, неверным же и ослепленным на удивление и богопознание. Сего ради по долгу вопием ти:Радуйся, яко Господь Сил дивная на тебе явил есть;
Вси ангели восхвалиша Бога, даровавшаго ти таковое мужество, Георгие, яко и в темничном заточении не преставал еси молитвенно бодрствовать. Сего ради яко великий таинник Божия благодати, удостоился еси видети в видении Господа, венцем нетления главу твою венчающа, да и мы с тобою вопием: Аллилуиа.
Ветии многовещаннии риторекими своими языки не возмогут изрещи тебе достойныя хвалы, Георгие, многих ради твоих подвигов и болезней, ихже за Христа и Церковь подъял еси волею. Сего ради и мы, недоумея восхваляти тя по достоянию, воспеваем сице:Радуйся, вольным за Христа и Церковь страданием, ветхаго в себе Адама распявый;
Спасти хотя души во тьме идолослуждения погибающих, боголюбче Георгие, ты, ревнуя, поревновал еси яко Илия по Бозе: вшед бо во храм идольский, силою Божиею разгнал еси бесы, сокрушил идолы, посрамил жрецы, и, яко победитель, не с человеки, но со ангелы пел еси Богу: Аллилуиа.
Стены безчувственнее окамененный сердцем мучитель твой, Георгие, не уразуме Бога, яве тобою чудодействующа, но до конца пребыл есть, яко аспид, затыкаяй уши свои. Сего ради повеле усещи тя на позорищи во главу, яко злодея: ты же, болезнуя о погибели души его, радостно приял еси кончину, за нюже мы тя ублажаем любовию сице:Радуйся, веру, надежду и любы до конца сохранивый;

Страницы